Livet på Tøyen...

...er fint.

Mari

Eit bilde som vart knipsa forrige gong Mari var på besøk i Oslo.

Kjelde.

Lula

Det er sommar og du får dei beste agurknyhendene her hos Kval&Actionfilm. Her er litt frå internett:

Alt frå Lula.

I forrige veke gjorde me eigentleg ein avtale hos Karina, som innebar at alle måtte gi ein kompliment til ein framand person på gata i løpet av veka. Etterkvart som veka gjekk, gløymte eg det heilt ut. Men, for å kompensere har eg spurt jenta som jobbar på bakeriet om eg kan få ta bilete av ho. Og kva er vel ein større kompliment enn "hei, eg syns du er så fin at eg legg min norske sjenanse på hylla for å ta bilete av deg"? Så det skal eg altså gjere. Og komplimentet på gata skal eg jobbe litt vidare med.

Bysommar

Det går bra.

Fotos: Martin Parr

Tips 3

Man kan søke på "acapella" på YouTube. Då får du opp mykje drit:

Detta hadde du ikkje tenkt på Dr. Dre.

Og så, velkommen til helvete:

Tips 2

For å sprite opp hverdagen desto mer, kommer jeg nå med ledd to i denne tips rekken.
En enkel måte å gjøre hverdagen mer artig på er rett og slett å si '09 etter en vanlig setning eller etter en innbydelse eller noe lignende:

Kaffi '09

Jeg skal på jobb '09

Middag '09

Pusse tenner '09

På denne måten vil alt du foretar deg virke som en kul event, eller som en russetur der alle har like hettegensere og roper samstemt i været etter kjønnsorganer.

Illustrasjonsfoto: representant for AGA laget is ved hjelp av nitrogen på Smak 09

Morgenstund har gull igrunn

Kval&Actionfilms Utelivsguide Vol.1

Me har funne ein stamkafé. Den ser ut som danskebåten. Damene som jobbar der er grepa, og ølen serverast kun i xxl-size. Klientellet består av skilte menn over 40 som er glad i å ta seg ein pils eller sju midt i veka. Det fins også damer frå Nord-Norge som grin og kranglar høglydt om nokre menn som ikkje har vore greie med dei. Hit går me kvar torsdag. Me snakkar mykje om gutar og litt om kunst. Me har tenkt til å bli venn med ho som jobbar der, som me har ganske god tone med. Ho spelar iallefall ganske bra musikk, for eksempel Band of Horses, som me begge er store fans av. Me er nesten der at me kan sei ”Eg skal ha det vanlige”. Kanskje me kjem til å be ho på fest, om me tør. Me er også på hels med ein mann som er der fordi han vatnar blomane til eks-kona mens ho er i syden med den nye familien sin.

Etterpå går me ut i gatene oppe på St. Hanshaugen og ser litt der også. Ein gong såg me ein mann med bart og data i eit vindu(to ting me likar veldig godt). Me såg ganske lenge på han, heilt til kjærasten hans kom og drog ned rullegardina. Om me går forbi huset til Karina pleier me å ringe på. Ein gong fekk me pizza og glascola, så me kjem definitivt til å forsetje å spørre om me kan komme på besøk der.

NB!
Biletet er berre illustrasjon. Det er teken på ein heilt annan stad, som me aldri meir skal gå på.

Tips

Det er rart korleis alt blir litt meir moro med ein S på slutten:

Tacos

Hobbies

Fotos

Internets


Bilete: Frå The Life Aquatic. Internets er alltid betre med litt fotos.

Anna!

Anna, no er du på toget, men når du er ferdig med det må du sjå denne her og tenke på rue Rochebrune. Baking og lyrisk dans, kva gir du meg?

Yes sir I can boogie

Kvar sommar sidan bleiestadiet har Benedikte feira bursdagen sin med brask og bram. Eg minnast årevis tilbake med ballongar, kaker, pølser og heimesnekra selskapsleikar. I år vart det heller ikkje noko unntak, og eg greide heldigvis å toge bort til vestlandet for anledningen. Det er litt som å ha familie, til jul og bursdag samlast me. Det pleier og være sånn at Benedikte berre har ein cd, og det er The Greatest hits of Baccara. Så høyrer me på den heile kvelden og har det sånn:

Når eg høyrer denne songen blir eg glad og tenker på gamle tider, men også alle åra framover me skal danse til Baccara i bryllup og begravelse.

Søndag

...kl. 22:30 tre jenter i sin beste alder baker muffins, tar livet med ro.
...kl.03:10 to øl i beina, senga venter, få timer til pliktene kaller.
Men sommernatta er det ingen som tar fra oss.

Mystikk og mysterium

Ein gong var det nokon som kommenterte dette:

Anonymous said:

Frøken Furre; jeg er en av de du bare såvidt har møtt, men som allikevel leser bloggen her trofast, og jeg vil bare si at du er irriterende lik det jeg ikke en gang velger å håpe på hos potensielle maker.ha en finfin dag.

Eg fekk aldri vite kven det var, men syns framleis det er litt spennande. Har aldri vore nokon kløppar på Mikke Mus' krimgåter, heller. Eg foreslår fleire hint, eller så møtast me ved karusellen på Montmartre. Når?

Månelanding

1. Luggen er kløppt.
2. Jenny Lewis skal ikkje på Øya likevel (faenfaenfaenfaen)
3. Caroline har ein nabo som er naken og sit på internett heile dagen.

Det er så mykje press

Sånn ser det ikkje ut langs Seinen lenger. Tenk heller litt meir uteliggarar og amerikanske turistar i allværsjakke:

Eg tenker ofte på Paris, byen eg har eit vilt kjærleiksforhold til. Eg tenker på året som har vore, og tanken på at det kjem eit til med minst like mange eventyr gjer meg svimmel. Og så er det litt skummelt også. For no er det så mykje press, når eg kjem att har eg ingen jobb og eg må kaste meg ut i eit marked som allereie er metta til randen. Eg blir heilt skjelven, og tenker på det om kvelden. Kva om eg ikkje får nokon jobb? Eg tenker ofte sånn at kan ein ikkje være fotograf i Paris, kan ein ikkje være fotograf nokonstads. Det er der det skjer, og det må skje meg! Og så tenker eg på den verste tida som var i Paris, det var i slutten av November, finanskrisa hadde begynt å snøre dei lange fingrane sine rundt studielånet mitt, og den første stormforelskelsen hadde lagt seg:

Eg dreiv og leste til eksamen i fransk, og varmen i leiligheita fungerte ikkje. Det var iskaldt, og eg sov med hue og skjerf om natta. Eg tok spensthopp mellom lesinga for å halde varmen. Tente lys og kokte vatn for å skru opp temperaturen litt. Mine siste euro brukte eg på kaffi på lokalkafeen, slik at eg kunne lese ein stad der det var varmt, men det endte med at eg sovna over boka og måtte går heim. Eg kjøpte spagettipakkar på butikken med småpengar eg skrapa saman og talte opp nøyaktig på forhånd. Eg hadde ikkje pengar til metrokort og eg holdt meg for det meste heime. Eg savna å ta bilder, og studiet gav ingen meining. Eg skjøna ikkje ein skvett av kva folk sa, og hadde eit ganske lite nettverk i forhold til det er var vant til å ha. Byen holdt på å ete meg opp. Det var høstens svarte hol.

Så tenker eg på om det blir sånn igjen. Fattig, umotivert, høst, mørke, kulde...Åh, kor nifst.

Fersken

Eg var i bursdag til desse vene jentene her eg:
Om du vil kan du høyre på Peaches. Videoen er litt treig i begynnelsen, men endar med flott lyrisk dans (Anna, ta notatar). Akkurat litt som dei fleste festane eg har vore på i det siste:

KÆRLIGHED

Marc Chagall, mr. lovah lovah

Det ser jo ganske fint ut å fly sånn over byen, mens man kliner.

David Shrigley

For en god stund siden var jeg og Raggen en tur i Bergen. Vi så på en fin ustilling av tegningene til en mann. Jeg liker å tenke på tegningene hans. Også kjenner jeg en jente som heter Hanna, hun har en hel bok med tegningene hans, den er fin, jeg har fått lese i den.

Dette var tegningen jeg likte best i boka til Hanna.

Laleh du er dritfin

Caroline minte meg på kor fin denne songen er. Me høyrte på den mens me låg i senga, såg ut av vinduet og gleda oss til middag:

Rockestjerne

Det har vore ei velsigna helg med gjensyn, middagsselskap, høljregn i kebaben, dansegolvsjokking og lange morgonar i senga. No er det tilbake til kontoret for å ta i eit tak. Eg spritar opp dagen med å sjå litt på Debbie Harry:

Og så høyrte eg på denne songen på bussen i dag tidleg, eg var trøtt og smal i auga som ein kattunge, og det regna over heile stakkars lille Oslo by:

Pokemon

"Det skal være fart og spenning, det skal være SMS!"

Et spørsmål om definisjon

Når man er ny i byen er det en rekke nye ting en må ta stilling til, noe er enkelt, som at guttene er fine i år og at kaffien smaker god i lag med kval. Andre ting krever mer betenkningstid.
Dette har jeg problemer med å definere:
- Jobben
- Været
- Bysykkel
- Sveisen
Kanskje ikke de helt store spørsmålene, men de opptar tid, de gjør det...



Man kan høre på Regina Spektor. Hun er fin og det er du også!

Avstandsforelska

Mens Joachim googlar "crazy night" når han kjedar seg, googlar eg Devendra Banhart når eg kjedar meg. Funkar alltid.

Dilemma

Eg, deg og eit webkamera?

Men, skal eg forsetje å spare panneluggen, eller skal eg kløppe den rett og kort igjen sånn som her:

Det blir for mykje å ta stilling til, så kva seier Kval&Actionfilms estetikkyndige lesarar? Eg trur faktisk eg går så langt at eg let dykk bestemme.

forresten,
sakna deg når eg såg dette biletet, Anna.

Det er jævlig å være trøtt

(Eg er jo no blitt kontordame. Mi hovedoppgåve på kontoret er telefonen. Ringer det, tar eg den. Det er mitt daglege ansvar. Sidan det er sumartid ringer det heller sjeldan. Men nokon må jo være her i tilfelle det gjer det. Altså blir det mykje dødtid. Stillesitting og saudestirr utover kontorlandskapet. Eg blir så veldig trøtt av all denne freden, surrande aircondition og knitring i A4-ark. Blanke sko som svevar over vegg-til-vegg teppet. Derfor blir eg litt som mannen på Ikea-reklamen. Sove litt her, sove litt der. Eg tek meg ein liten lur i den ergonomisk korrekte stolen. Ein liten strekk, så ein kopp kaffi. I dag vart eg ferska midt i eit skikkelig slag. Det var litt flaut, men eg jovial-tulla det vekk og sa "høhø, ja no kjenner eg på kroppen at det er sumartid." Det skal seiast at eg var hinsides trøtt (8 til 4 livet kler meg ikkje), og alt eg greide å tenke på var å finne ulike måtar å sove på(kanskje i heisen?på lagerrommet?det tomme kontoret?under pulten?), og dagdrømme om ettermiddagslur i sofaen.)

No er klokka ti på fire. Begynnar å våkne til.

Romantikken er død

Word.

It's love, it's not Santa Claus

To filmar som eg ventar på:


Hald deg fast.

Kval

Eg les Beatles ein gong til, sidan eg bur i Oslo i sommar, og kan relatere meg litt meir. Det er fint, og eg drikk store norske kaffikoppar på kafè og ler masse inni meg, litt utanpå også.

"...for hvalene synger også, de synger fordi de er ensomme og havet er så altfor stort for dem."

03:47

In winter I get up at night
And dress by yellow candle-light.
In summer quite the other way
I have to go to bed by day.

All is full of love

Eg var på homoparaden og viste mi støtte til kjærleiken. Kan du ikkje støtte det er du tett i hjelmen. Støtt kjærleiken i dag du også!

Hvor er Willy?

Go back to bed

"Det er bra, Furre." sa Actionfilm då eg tvangsvelta meg sjølv ut av senga klokka 06.17 i dag tidleg. Det er hardt å være voksen. Meaghan Préfontaine



Bilete: Flickr.

We lived on sunlight and chocolate bars

Her er litt bysommar:Joachim og Karina
Mari kom på besøk og me bada på Hovedøya.
Beach-boy.
Så kom Åsmund og me grilla eit betre måltid i bakgården min.
Eg og Caroline syklar bysykkel i fine kjolar. Hadde eg vore gut trur eg kanskje eg hadde blitt litt forelska i oss.

Lazy Eye

No er det 5 minuttar til helg, og den skal sjå sånn ut:
No stikk eg og drar ut kontakta til kaffitraktaren, då er det offisielt.

Bykjærleik

Leita lenge etter denne musikkvideoen. Mange år. Så fant eg den. Her er den:

Egentlig har eg masse koslige bilete frå den siste tida, men eg har ikkje fått lagt dei inn. Eg jobbar om dagen og syklar med Actionfilm om kvelden. Blir ikkje tid. Men, Kval&Actionfilm er endeleg i samme by. Me er i ein kreativ raptus. Hald deg fast.

Her er så underligt, jeg har visst kommet til feil klode

P-town sett frå Eiffel. Fint.
No har eg vore i Noreg i nesten to veker. Så langt har det vore heilt fantastisk. Eg har ikkje fått tid til å savne Paris eit einaste sekund, unntatt då dei viste noko fra Paris på tv, då fekk eg samme følelsen som ein får når ein er forelska i nokon veldig, veldig langt vekke.

Men no er det Oslo. Her drikk ein øl frå brune glasflasker, og lagar maten utandørs når været er fint. Ein kyssar ikkje kvarandre på kinnet når ein møtes, ein treng nesten ikkje helse i det heile tatt. Alle har ein felles forståelse for at "det er ikkje så farlig". Tonen er lett, alt er upretensiøst. Om ein vil ha noko på andre sida av bordet spør ein ikkje om å få det tilsendt, men ein strekk ein lang arm over heile bordet, for unødvendig konversasjon er overflødig. Det heiter ikkje lenger musserande, det heiter Cava, og det er det beste alle veit. Alle er uniformert i gladiatorsko, hodebånd og tights. Det treng ikkje være flatterande så lenge det er trend. Ein treng ikkje sjå kvarandre i augene når ein skålar, alle mine forsøk på å gjere det har mislykkast. Den konstante angsten for "tenk om det ikkje blir nok mat", eller å ikkje bli full nok. Allværsjakke og shorts i kombinasjon er det mest praktiske. Etter klokka 00.00 er det ikkje lov å leige bysykkel, med fyllesyklande nordmenn som god grunn. Får ikkje lov, sjølv om du er voksen. Men, det er jo sosialdemokrati, og det skal me være glad for. Søte,vesle Norge.

Det er så snurrig her. Det er Oslo som gjer det. Eg kan landet, men ikkje byen. Syklar rundt med kartbok og kan ingenting. Eg kjenner alt, men det står på feil plass. Kor er heime?